Аюулгүй ажиллагааны ажилтан нь ажлын байран дахь аюулгүй ажиллагааны бодлогын хэрэгжилтэд хяналт тавих болон учирч болох аюулыг тодорхойлж, эрсдлийг үнэлэх, мөн ажилтнуудад ажлын байран дахь ослоос урьдчилан сэргийлэх тал дээр зөвлөгөө өгөх үүрэгтэй.

Өмнгөговь аймгийн Баян-Овоо сумын нутагт байрлах Цант-Уул нүүрсний уурхайд ажиллах бөгөөд дараах үндсэн үүргүүдийг гүйцэтгэнэ. Үүнд:

• Хөдөлмөрийн аюулгүй байдлыг ханган, байгаль орчинд сөрөг нөлөөгүй, хариуцлагатайгаар үйл ажиллагаа явуулахад оролцон ажиллах;
• Үйл ажиллагаанд хэрэглэгдэх стандарт, шаардлагуудыг боловсруулж, аюулгүй ажиллагааны сургалт, зааварчилгааг үр дүнтэй явуулах;
• Аюулгүй ажиллагааны бичгийн болон аман тайланг нэгтгэж, санал зөвлөмж гаргах, зөвшилцсөн арга хэмжээг хэрэгжүүлсэн эсэхэд хяналт тавих;
• Эрүүл мэнд, аюулгүй ажиллагааны талаарх тоо баримт, мэдээллийг боловсруулж, авч буй арга хэмжээнүүдийн биелэлтэд хяналт тавих;
• Аюулгүй ажиллагааны Олон улсын стандартыг мөрдөн, Монгол Улсын хууль тогтоомжийг баримтлан ажиллах;
• Осол гэмтлийн судалгаа шинжилгээ хийхэд туслах, зохион байгуулах;
• Хөдөлмөрийн эрүүл ахуйн хяналт хийх болон холбогдох програм-хөтөлбөрүүдийн хэрэгжилтэд хяналт тавих;
• Эрүүл мэнд, аюулгүй ажиллагааны төлөвлөгөөт болон нэмэлт аудит үзлэг шалгалтуудыг зохион байгуулах.

- Уул уурхай болон бизнесийн удирдлагын чиглэлээр бакалавраас дээш зэрэгтэй;

- Хөдөлмөрийн аюулгүй ажиллагаа , эрүүл ахуйн чиглэлээр мэргэшсэн, холбогдох дүрэм журам боловсруулах чадвартай;

- Эрүүл мэнд, аюулгүй ажиллагааны чиглэлээр уул уурхайн салбарт 3-с дээш жил ажилласан туршлагатай;

- Хөдөлмөрийн аюулгүй байдал, эрүүл мэндийн тухай хууль болон бусад холбогдох хууль тогтоомжийн талаар өргөн мэдлэгтэй;

- Орон нутгийн харилцааны чиглэлээр ажилласан туршлагатай бол давуу тал болно;

- Англи хэлний дундаас дээш түвшний мэдлэгтэй, аман болон бичгийн орчуулга хийх чадвартай;

- Хөдөө орон нутагт 14/14 ээлжийн зохицуулалтаар ажиллах боломжтой.