Кристина Ноблийн Хүүхдийн Сан нь эрдэлт нөхцөлд амьдарч байгаа хүүхэд, залуучуудыг дэмжих, хөгжүүлэх, хамгаалах, бие даасан хувь хүн бий болгоход дэмжлэг үзүүлэх зорилгоор үйл ажиллагаагаа явуулдаг улс төр, шашнаас ангид, ашгийн бус олон улсын хүмүүнлэгийн байгууллага юм.

Тус сан нь Лоринэт сангийн санхүүжилтээр 2024-2027 оны турш ШШГЕГ-ын харьяа Сургалт-хүмүүжлийн тусгай байгууллага (СХТБ)-д хүмүүжиж буй 14-19 насны өсвөр насны хүүхдүүдэд мэргэжлийн болон зөөлөн ур чадварын (хувь хүний хөгжлийн) сургалт явуулах, нийгэм-сэтгэлзүйн цогц үйлчилгээ үзүүлэх, суллагдсаны дараа ажил эрхлэлтийг нь дэмжиж, эдийн засгийн хувьд бие даасан иргэн болоход нь тусалж, нийгэмшихүйг нь дэмжих зорилгоор “Өсвөр насныхны хөгжлийн хөтөлбөр”-ийг хэрэгжүүлэн ажиллаж байна.

Энэхүү хөтөлбөрийн хүрээнд дээрх ажлуудыг хэрэгжүүлэх ТӨСЛИЙН СУУРЬ СУДАЛГААНЫ ЗӨВЛӨХ (хувь хүн болон байгууллага) сонгон шалгаруулж байна.

Ажлын цар хүрээ:

Багц 1 (3 сар): Төслийн суурь судалгаа боловсруулах. Үүнд:

• Төслийн зорилгод уялдсан цогц суурь үнэлгээ боловсруулах;
• Чанарын болон тоон дата, мэдээлэл цуглуулах хэрэгсэл боловсруулах – ганцаарчилсан болон бүлгийн ярилцлага, үнэлгээний хуудас гэх мэт;
• Монгол улс дахь хорих ял эдэлж байсан болон хорих ял эдэлж буй насанд хүрээгүй хүүхдүүдтэй холбоотой эрх зүйн орчин, тэдэнд үзүүлэх үйлчилгээг ерөнхийд нь үнэлсэн судалгаа боловсруулах;
• Судалгааны үр дүн, датад дүн шинжилгээ хийж, зорилтот бүлэгт чиглэсэн үйлчилгээний үр дүнг үнэлэх, хэрэгцээ шаардлагыг тодорхойлох, санал зөвлөмж боловсруулах;

Хүсэлт авах сүүлийн хугацаа: 2024 оны 7-р сарын 19-ний өдрийн 17:00 цаг 

Кристина Ноблийн Хүүхдийн Сангийн и-мэйл хаяг руу 2024 оны 7-р сарын 19-ний өдрийн 17:00 цагаас өмнө зөвлөх үйлчилгээ үзүүлэх хүсэлтээ явуулж дэлгэрэнгүй "Ажлын даалгавар"-ыг авна уу.