“Юу Си Өү” ХХК нь 2007 онд байгуулагдсан бөгөөд вэб дизайн, вэб сайт, вэбэд суурилсан бүх төрлийн програм хангамж, техник хангамж, хэвлэлийн эх бэлтгэл зэрэг мэдээллийн технологийн инженерчлэлийн үйл ажиллагааг мэргэжлийн өндөр түвшинд бэлтгэгдсэн инженерүүдийнхээ тусламжтайгаар явуулж байна. Байгуулагдсан цагаас хойш бид бүхэн боловсролын, төрийн, шашны, аялал жуулчлалын байгууллагын, уул уурхайн, барилгын, хүнсний үйлдвэрийн, онлайн худалдааны, урлагын зэрэг олон төрлийн вэб сайтуудыг хийж ашиглалтанд оруулаад байна. Мөн зарим байгууллагуудын хүний нөөцийн бүртгэл, мэдээллийн систем, борлуулалтын мэдээллийн систем, их дээд сургуулиудын сургалтын цогц систем, онлайн хувьцаа захиалгын систем хийсэн нь амжилттай ашиглагдаж байна. Эдгээрээр зогсохгүй бид хэвлэлийн эх бэлтгэлийн болоод албан байгууллагуудын брэндбүүк хийх үйлчилгээг нэвтрүүлээд удаагүй байна. Манай хамт олон харилцагч үйлчлүүлэгч, хамтран ажиллагсаддаа даяаршиж буй дэлхий ертөнцийн хөгжилтэй хөл нийлүүлэн алхах боломжийг олгохын тулд хамгийн сүүлийн үеийн техник технологиудыг ашиглаж байгаа бөгөөд мэргэжлийн өндөр түвшинд бэлтгэгдсэн инженерүүд, программистууд, дизайнеруудынхаа тусламжтайгаар хэрэглэгчдийн сэтгэлд нийцсэн үйлчилгээг үзүүлсээр байна. Цаашдаа бид хэрэглэгчид илүү ойр үйлчилгээ үзүүлсээр байх бөгөөд салбарынхаа тэргүүлэгч кломпаниудын нэг болохыг зорьж байна.