Эрсдлийн удирдлагын бодлогыг тодорхойлж, байгууллагад учирч болох дотоод болон гадаад эрсдлээс урьдчилан сэргийлэх; Компанийн газар, алба, ажилтнуудад үйл ажиллагааны дотоод болон гадаад эрсдлийн бодлого журмыг танилцуулах, мөрдүүлэх; Дотоод болон гадаад эрсдлийн нэгдсэн мэдээллийн сан үүсгэх, хөтлөх, удирдах, шаардлагатай арга хэмжээг төлөвлөн хэрэгжүүлэх.

Байгууллагын сүлжээний дэд бүтэц, дотоод систем болон MIT арилжааны системийн дэд бүтцийн хэвийн, найдвартай, тасралтгүй үйл ажиллагааг хангах. Мэдээллийн сүлжээний нууцлал, хамгаалалтыг хангаж ажиллах.

Байгууллагын гадаад харилцаа, хамтын ажиллагааг холбогдох чиглэлүүдэд мэргэжлийн түвшинд хөгжүүлэх. Биржийн үйл ажиллагааны талаар олон улсын хууль тогтоомж, дүрэм, журам, заавар болон туршлагыг судлах.

Уул уурхайн бүтээгдэхүүний арилжааг идэвхижүүлэх, сайжруулахад чиглэсэн судалгаа шинжилгээ хийх, журам заавар боловсруулах, санал гаргах, хэлэлцүүлэх; Уул уурхайн бүтээгдэхүүний зах зээлийн арилжааны тоо мэдээлэлд дүн шинжилгээ хийж, удирдлагыг мэдээллээр хангах; Арилжаа, тайлангийн системийн функцүүдийг судалж, шаардлагатай туршилт судалгаа хийх; Таваарын арилжааны тоо мэдээллийн нэр төрөл, чанар, хүртээмжийг сайжруулах; Удирдлагаас өгсөн бусад үүрэг даалгаврыг хийж гүйцэтгэх.

Байгууллагын хүний нөөцийн бодлогыг боловсруулж, түлхүүр ажилтнуудыг тодорхойлох, тэдгээрийн тогтвор суурьшлыг хангах, ажилтнуудын идэвхижүүлэлт, байгууллагын соёлыг хөгжүүлэх үйл ажиллагаа зохион байгуулах; Хөдөлмөрийн харилцааны чиглэлээр мөрдөгдөх дүрэм, журам, гүйцэтгэх захирлын тушаал, шийдвэр, гэрээ контрактыг хууль тогтоомжид нийцүүлэн боловсруулах, хэрэгжилтэд хяналт тавьж ажиллах; Байгууллагын хүний нөөцийн хэрэгцээг төлөвлөх, тайлагнах, ажилтан сонгон шалгаруулах; Ажлын байрны тодорхойлолтод тусгагдсан бусад чиг үүргүүд.