Яагаад ХААН Банкыг сонгох вэ? | ХААН Банк БИДНИЙ ЗОРИЛГО, ҮНЭТ ЗҮЙЛС:   ХААН Банк нь Монгол улсын хөдөлмөрийн зах зээл дээр “Шилдэг ажил олгогч” (Employer of Choice) жишиг байгууллага болох стратегийн чиглэлийг удирдлага болгон ажиллаж байна. Бидний үнэт зүйлсийн нэг болсон ажилтнуудаа хүндэлдэг, итгэл хүлээлгэдэг, нээлттэй харилцаа холбоотой байж тэднийг сонсдог, сэтгэлтэй оролцоотой байх боломжийг бүрдүүлж, чиглүүлж, тусалж дэмждэг байгууллагын эерэг зөв соёлтой байх нь Тэргүүний ажил олгогчийн үндсэн зарчим гэж бид үздэг бөгөөд ийм орчинд одоогийн болон ирээдүйн ажилтнууд маань оролцоотой, сэтгэл ханамжтай, үр бүтээмж өндөр, тогтвортой ажиллах юм.   Шилдэг ажил олгогч; Амжилтын эх үндэс-Манай ажилтнууд; Эерэг байгууллагын соёл; МАНАЙ АЖИЛТНУУД: Бид 5700 гаруй ажилтантай Монгол улсын томоохон ажил олгогчийн нэг. Бидний 70 хувийг Шинэ мянганы буюу 35-аас доош насны шинийг санаачлагч, бүтээлч залуус байдаг. Тиймээс ХААН Банк бол залуусын банк юм. Мөн бидний дунд урлаг, спортын амжилт, мэдлэг, оюун ухаан, боловсролоороо тэргүүлдэг олон арван ажилтнууд бий. Тиймээс бидний бахархал, амжилтын эх үндэс бол чадварлаг, мэргэшсэн, сэтгэл зүтгэлтэй ажилтнууд маань билээ. Өөрчлөлтөд хурдтай дасан зохицож, хөгждөг; Шинийг санаачлагч; Бүтээмж өндөр; БАЙГУУЛЛАГЫН СОЁЛ: ХААН Банк нь ажил горилогчийг сонгон шалгаруулж, ажилд авахдаа ҮНЭНЧ ШУДАРГА, БАГААР АЖИЛЛАХ ЧАДВАРТАЙ, ОРОЛЦООТОЙ, НЭЭЛТТЭЙ ХАРИЛЦААТАЙ, БҮТЭЭЛЧ байхыг нэн тэргүүнд эрхэмлэн харгалзаж үздэг. Ийм хандлагатай ажилтнууд зөв, эерэг байгууллагын соёлыг бүрдүүлэхэд чухал бөгөөд байгууллагыг урт удаан хугацаанд амжилттай, тогтвортой зах зээл дээр оршин тогтнох үндэс гэж бид үздэг. Хэрэв Та бидний үнэт зүйл, соёлд нийцэн, байгууллагын эерэг соёлыг бэхжүүлэхэд хувь нэмэр оруулах хүсэл эрмэлзэлтэй бол бидний үүд хаалга танд үргэлж нээлттэй байх болно.   Үнэнч шударга; Нээлттэй харилцаа холбоо; Хамтын ажиллагааг эрхэмлэсэн; СУРГАЛТ, ХӨГЖИЛ: Байгууллагын амжилт ажилтнаа тасралтгүй сургаж, хөгжүүлж буй байдал, мэдлэг ур чадварыг нь тогтмол сайжруулж сорьж байх зэргээс шууд хамааралтай байдаг. Шинэ ажилтнаа амжилттай ажлаа эхлүүлэх, ажлын байранд нь дадлагажуулах, чиглүүлэх зорилгоор “Шинэ ажилтныг чиглүүлэх, дадлагажуулах хөтөлбөр”-т хамруулдаг бол ажилтны туршлага, мэргэжлийн чиглэл, албан тушаал зэргээс хамааран гадаад, дотоод болон олон улсын сургалтын хөтөлбөрүүдэд ажилтнаа тогтмол хамруулахыг эрмэлздэг. Ингэснээр ХААН Банкны ажилтнууд нарийн мэргэшин чадваржиж, үүрэг хариуцлагаа нэмэгдүүлэх, албан тушаал ахих боломжтой болж, улмаар зах зээлд өрсөлдөхүйц, хөрвөх чадвартай мэргэжилтэн болж өсөж дэвждэг. Гадаад, дотоодын их сургуулийн тэтгэлэгт хөтөлбөр; Гадаад хэлний тэтгэлэг; Ажлын байран дээр мэргэшүүлэх, заавал сургах, нарийн мэргэжлийн сургалт; Хувь хүний ур чадварыг хөгжүүлэх сургалт; Манлайллын хөтөлбөрүүд; ЦАЛИН УРАМШУУЛАЛ, ХӨНГӨЛӨЛТ ХАНГАМЖ: ХААН Банк нь банк санхүүгийн салбартаа тэргүүлэгч байгууллагын хувьд зах зээлд өрсөлдөхүйц цалин хөлс, урамшууллын бодлого, тогтолцоотой. Ажилтны ур чадвар, туршлага, албан тушаалын зэрэглэл түвшин, ажлын байрны онцлог зэргээс хамааруулан цалин хөлсний уян хатан бодлогыг хэрэгжүүлдэг. Мөн ажилтны ажлын үр бүтээмжийг нэмэгдүүлэх зорилгоор банкны ашигт ажиллагаанд оруулж буй хувь нэмэр, ажлын гүйцэтгэлийг бодитой, шударгаар үнэлж гүйцэтгэлд суурилсан урамшуулал олгодог.  Өрсөлдөхүйц цалин хөлс; Гүйцэтгэлд суурилсан тогтмол урамшуулал; Хөнгөлөлт, хангамжийн багц;   ТА ХҮНИЙ НӨӨЦТЭЙ ХОЛБОГДОЖ МЭДЭЭЛЭЛ АВАХЫГ ХҮСВЭЛ:  - Утас: 95200100 эсвэл 85552211 дугаарт холбогдоно уу