"Гандирс" ХХК нь 1991 онд байгуулагдсан. 2005 оноос барилгын салбарт үйл ажиллагаагаа явуулж байна. Бид зөвхөн байшин барилга барьж худалдах төдийгөөр бизнесийн үйл ажиллагааг хязгаарладаггүй харин тус салбарыг болон улс орны эдийн засгийг бүхэлд нь хөгжүүлэхэд өөрийн хувь нэмрээ оруулах зорилт тавин ажилладаг. Манай компани аливаа барилга бүтээн байгуулалтын ажлыг хийж гүйцэтгэхдээ Монголын хот байгуулалт архитектурын хандлагад шинэ урсгал нэмэх цаашлаад барилга барихдаа өнгөц сэтгэлгээгээр хандаж суурингийн өнгө үзэмжийг доройтуулж байгаа өнөөгийн байдлыг зогсоох, түүнд үлгэр дууриал болох үүднээс аль болох архитектурын шилдэг загвар дэвшилтэт шинэ технологи чанартай материал шингэсэн ажил хийж гүйцэтгэхийг эрхэмлэдэг. "Гандирс" ХХК нь Улаанбаатар хотод төдийгүй хөдөө орон нутагт барилгажилт, бүтээн байгуулалтын хөгжлийг авчрах хот хөдөөгийн ялгааг арилгах үйлсэд бололцоотой бүхнийг хийж байна. Энэхүү эрхэм зорилгын хүрээнд "Хөгжлийг хөдөөнөөс эхэлье" "Би монгол хүн" зэрэг хэд хэдэн хөтөлбөр төслийг бизнесийн болон нийгмийн чиглэлд санаачлан хэрэгжүүлж байна.