Тус хүрээлэн нь 1959 онд Улс орныг үйлдвэржүүлэх, уул уурхайн олборлох үйлдвэрүүдийг шинээр барьж ашиглалтад оруулах зорилгоор Аж үйлдвэрийн яамны сайдын 532 тоот тушаалаар уг яамны хөрөнгө оруулалт их барилгын хэлтсийн дэргэд “Их хайрханы уурхайг» цахилгаанаар хангах зураг төсөл, төсөв зохиох 7 хүний бүрэлдэхүүнтэй групп байгуулагдсан ба энэ нь тус байгууллагын үүсэл хөгжлийн үндэс суурь болон тавигдсан.

Хүрээлэнгийн үйл ажиллагааны үндсэн зорилго нь эрчим хүчний салбарын ойрын болон дунд хугацааны, хэтийн хөгжлийн бодлого, стратеги боловсруулахад шаардагдах өгөгдлийг судлан шинжлэх, эрчим хүчний хэрэглээний таац, эдийн засгийн тооцоо, судалгаа, шинжилгээг шинжлэх ухааны үндэслэлтэй боловсруулах, захиалгат эрдэм шинжилгээ, судалгааны ажил хийх, зураг төсөл, төсөв боловсруулах, шинэ техник, технологи, инновацийг судлан нэвтрүүлэх, норм норматив, стандартын бичиг баримтыг боловсронгуй болгох, эрчим хүчний чиглэлийн гадаад, дотоод хамтын ажиллагааг өргөжүүлэх замаар Эрчим хүчний асуудал эрхэлсэн Төрийн захиргааны төв байгууллагын захиалга, үүрэг даалгаврыг мэргэжлийн түвшинд гүйцэтгэн судалгаа, мэдээллээр ханган эрчим хүчний салбарын хөгжлийг төгөлдөржүүлэхэд оршино.