Тус компани нь 2002 оны 04 дүгээр сарын 04-ний өдөр байгуулагдаж, гадаад, дотоод худалдаа, барилгын материалын үйлдвэрлэл, барилгын угсралт, засварын ажлын чиглэлээр тусгай зөвшөөрөл авч үйл ажиллагаагаа эхлүүлсэн.

Байгуулагдсан үеэс эхлэн улсын төсвийн хөрөнгө оруулалтаар сургууль, цэцэрлэг, конторын барилга угсралт, гадна инженерийн шугам сүлжээний ажлуудыг чанарын өндөр түвшинд хийж гүйцэтгэн улсын комиссд хүлээлгэн өгсөн. Мөн сүүлийн жилүүдэд хувийн аж ахуйн нэгж, байгууллагын хөрөнгө оруулалтаар Орхон аймгийн Эрдэнэт хотод 63, 72 айлын тус бүр 9 давхар орон сууцны “Гок гарден” хороолол, түүнчлэн Баянзүрх дүүргийн 13 дугаар хороонд 40 айлын үйлчилгээтэй орон сууцны барилга барьж, ашиглалтад оруулсан билээ.

Нийслэлийн Засаг даргын захирамжаар нам, дунд суурьшлын бүсээр тогтоогдсон Баянзүрх дүүргийн 12 дугаар хорооны нутаг дэвсгэрт 6 давхар 2 орц бүхий 96 айлын орон сууцны 34 барилга, 9 давхар 128 айлын үйлчилгээтэй орон сууцны 9 барилга, 1200 хүүхдийн сургууль, 400 хүүхдийн цэцэрлэг, цахилгаан, ус дулаан дамжуулах төвийн барилгууд, оршин суугчдын амралт чөлөөт цагаа зөв боловсон өнгөрөөх усан оргилуур бүхий цэцэрлэгт хүрээлэн, нийтийн биеийн тамирын талбай, гүйлтийн болон дугуйн зам, спорт цогцолбор, бүх төрлийн худалдааны төв халамж, үйлчилгээний барилга, ногоон байгууламж бүхий “SERENE TOWN” цогц хороолол барьж байгуулах төслийг эхлүүлэн амжилттай хэрэгжүүлэн ажиллаж байна.