“Мөнх Ногоон Амьдрал” ТББ-аас санаачлан явуулж буй "ЭКО БИРЖ" төслийг “Асрал” ХХК хэрэгжүүлэн ажиллах болно. Бид “МОНГОЛОО НОГООРУУЛЪЯ” уриан дор оршин суугаа газрынхаа орчин тойрныг цэцэрлэгжүүлж ногооруулах сонирхолтой аж ахуйн нэгж, иргэд мөн байгаль орчныг хамгаалах, нөхөн сэргээх чиглэлээр үйл ажиллагаа явуулдаг иргэд, аж ахуйн нэгж, ТББ, нөхөрлөлүүдийн тарьж ургуулсан тарьц, суулгацаа зах зээлд нийлүүлэх сонирхол, хэрэгцээ шаардлагыг хангахын тулд тэдгээрийн мэдээллийн санг нэгтгэн сонирхогч талуудыг байнгын тогтмол мэдээллээр ханган, зуучлах “ЭКО БИРЖ” байгуулан үйл ажиллагаагаа явуулж байна. “Эко бирж” нь зуучлагчийн үүрэг гүйцэтгэх бөгөөд нийлүүлэгчийн тогтоосон үнийн саналаар бүтээгдэхүүнийг худалдан авагчид зуучлан борлуулна. Ашиг олох зорилгоор нийлүүлэгчийн тогтоосон үнэнд өөрчлөлт оруулахгүй тул зах зээлд хамгийн бодитой, хамгийн хямд үнийг санал болгоно. ЗУУЧЛАЛЫН ЧИГЛЭЛ: - Тарьц, суулгац - Үр, үрсэлгээ - Багаж, тоног төхөөрөмж - Бордоо - Зоорийн үйлчилгээ