“МОНГОЛ ТЕХНОЛОГИ ИНВЕСТМЕНТ” ХХК нь 2011 оны 08 сараас гадаад худалдааны чиглэлээр үүсгэн байгуулагдаж 2019 оноос бетон хийц эдлэлийн үйлдвэрлэл, төмөр замын урьдчилан хүчитгэсэн арматуртай төмөрбетон дэр үйлдвэрлэл болон бетон зуурмагийн үйлдвэр, төмөр замын тээврийн аюулгүй байдалтай холбоотой үйл ажиллагаа эрхлэх тусгай зөвшөөрлийн хүрээнд төмөр замын тээвэрлэлтээр үйл ажиллагааны чиглэлээ өргөжүүлэн ажиллаж байна.

Бид Тавантолгойн уурхайгаас коксжих нүүрс экспортлох, уул уурхай, аж үйлдвэрийн бүтээгдэхүүний тээвэрлэлт, экспортыг нэмэгдүүлж, бүс нутгийн нийгэм, эдийн засгийн хөгжлийг дэмжих зорилгоор Өмнөговь аймгийн Цогтцэций, Манлай сум, Дорноговь аймгийн Мандах, Сайншанд сумын Зүүнбаян багийн нутаг дэвсгэрийг хамарсан 416.1 км төмөр замын их бүтээн байгуулалтад оролцож, бүтээгдэхүүнээ нийлүүлэн амжилттай ажилласан. Мөн цаашдаа төмөр замын төсөл, барилгын бүтээц эдлэлийн чиглэлээр үйл ажиллагаагаа өргөтгөх зорилго тавин ажиллаж байна.

ҮЙЛДВЭРИЙН ТАНИЛЦУУЛГА

Манай үйлдвэр нь БГД-ийн 25-р хорооны нутаг дэвсгэрт, Үйлдвэрийн төвийн бүсэд төмөр зам салаатай, бэлэн бүтээгдэхүүнийг ачих, түүхий эд материал зөөвөрлөх боломжтой өөрийн эзэмшлийн газарт байрлаж байна.

Үйлдвэрийн нийт талбай 14076м² . Үүнээс үйлдвэрийн барилгын талбай нь 6528м², бэлэн бүтээгдэхүүний талбай нь 2754м², түүхий эдийн талбай нь 1512м², агуулах нь 768м² талбайг хамарч байна.