“Улаанбаатар шинэ бүтээн байгуулалт” ХХК нь Нийслэлийн иргэдийн Төлөөлөгчдийн Хурлын 2022 оны 03 дугаар сарын 24-ний өдрийн 27 дугаар тогтоолоор Монгол Улсын Засгийн газраас хэрэгжүүлэх шинэ сэргэлтийн бодлогын баримт бичигт тусгагдсан төсөл, хөтөлбөрүүдийг нийслэл Улаанбаатар хотод хэрэгжүүлэх үүрэгтэйгээр байгуулагдсан.

Компанийн үндсэн зорилт нь тулгуурт гүүрэн байгууламж бүхий багтаамж ихтэй шинэ төрлийн нийтийн тээврийн үйлчилгээ (LRT)-г нэвтрүүлэх, шинэ тойрог зам барих төсөл, хөтөлбөрийг хэрэгжүүлэх замаар нийслэл Улаанбаатар хотын тээвэр, ложистикийн сүлжээг өргөжүүлэх, түгжрэлийг бууруулах, төвлөрлийг сааруулах, зам, тээврийн хөгжилд бодитой хувь нэмэр оруулах, хөрөнгө оруулалтын өгөөж, ашигтай ажиллагааг хангахад чиглэнэ.