Манай сургууль анх Тосгонд “Залуу техникчдийн клуб” нэртэйгээр 1987 онд физикийн багш Д.Дугар санаачлан, байгуулж, 1988 онд “Залуу техникчдийн станц” болж Б.Батбаатар эрхлэгчээр нь ажиллаж байсан. 1994 онд “Өсвөрийн зохион бүтээгчдийн сургууль” нэртэйгээр өргөжин техник мэргэжлийн сургалтын үйл ажиллагаа явуулах болжээ.

Хөгжлийн бэрхшээлтэй сурагчид нь тус сургуульд суралцсанаар ерөнхий эрдмийн мэдлэгээс гадна биеийн тамир, эрүүл мэнд, дохионы сургалт, амьдрах ухааны хичээлүүдийг түлхүү оруулж судлуулсанаар тэднийг ирээдүйдээ итгэлтэй бусдын нэгэн адил суралцаж болдогийг мэдрүүлэн, хоол ундаар ханган унаагаар үйлчилж байдаг нь тэдний суралцах идэвх сонирхлыг төрүүлж, суралцах таатай орчин нөхцөлийг бүрдүүлэн ажиллаж байна.

Сургуулийн захирлын үүрэг гүйцэтгэгчээр Б.Батчимэг, сургалтын менежерээр Н.Ичинхорлоо, А.Пүрэвжав нар ажиллаж байна.

Тусгай хэрэгцээт боловсролын 4 анги 50 сурагч, ердийн сургалттай 23 бүлэгт 780 гаруй сурагчид суралцаж, 6 удирдах ажилтан, 39 багш,32ажилтан нийт 77 ажиллагсад, Байгалийн ухааны тэнхим, Нийгмийн ухааны тэнхим, Бага ангийн тэнхим гэсэн 3 тэнхимд хуваагдан сургалт хүмүүжлийн ажлыг зохион байгуулж, нийт багш нарын 60% нь “Заах аргач”, 34% нь “Тэргүүлэх” мэргэжлийн зэрэгтэй, мэргэжлийн багшаар 100% хангагдсан.