“Тотал Импекс” ХХК нь 2009 оноос гадаад, дотоод худалдаа, 2012 оноос барилгынзасвар, засалчимэглэлийн чиглэлээр бригадын зохион байгуулалтаар ажлаа явуулж эхэлсэн бөгөөд 2017 оноос барилга угсралт, барилгын ган ба хөнгөн цагаан хийц, интерьер, экстерьер, ландшафтын зураг төсөл гүйцэтгэл, зам талбайн тохижилт, зүлэгжүүлэлт, гудамж зам талбайн гэрэлтүүлэг, чимэглэл, хаяг рекламын чиглэлээр албан ёсны тусгай зөвшөөрлүүдийн хүрээнд үйл ажиллагаагаа эрхлэх болсон. Энэ хугацаанд манай компани нь төрийн болон хувийн хэвшлийн аж ахуйн нэгж байгууллага, иргэдийн захиалгат ажлуудыг чанарын өндөр түвшинд хийж гүйцэтгэн харилцагчдын итгэл хүлээсэн хамт олон болж чадсан билээ. Бид цаашид үйл ажиллагааныхаа цар хүрээг өргөжүүлэхийн хамтаар инженер техникийн ажилчдын мэдлэг боловсролыг дээшлүүлэн шинийг санаачлагч, харилцагч нарын итгэлийг даасан хамт олон болох зорилт тавин ажиллаж байна.

Эрхэм зорилго:

Манайх олон улсын чанарын өндөр түвшинд хүрсэн тоног төхөөрөмж, чанартай материалаар ажлыг гүйцэтгэж салбартаа тэргүүлэх, харилцагч нартаа цогц үйлчилгээг үзүүлж найдвартай түнш байж айл өрхийн болон албан байгууллага, олон нийтийн тав тух халуун дулаан орчинг бүрдүүлэх нь бидний эрхэм зорилго юм.

Бидний зорилт:

Бид албан байгууллага, айл өрх бүрийн шаардлага , тав тухыг хангахуйц шинэ дэвшилтэт технологи бүхий цогц шийдэл нэвтрүүлэх, улс эх орондоо мэргэшсэн ажилтан бэлтгэх, ажлын байр бий болгох, салбартаа тэргүүлэх зорилт тавин ажиллаж байна.

Үнэт зүйл:

Бизнесийн ёс зүй, аюулгүй ажиллагаа, чанарыг эрхэмлэн, харилцагч нарын итгэлийг хүлээж, чадварлаг боловсон хүчнийг бүрдүүлж, санхүүгийн чадавхиа нэмэгдүүлж, ажилтнуудын сэтгэл ханамжийг өндөрт байлгаж, ажиллах таатай орчноор ханган, хүрээлэн буй байгаль орчин нийгэмдээ ээлтэй орчинг бий болгож хамтын хүчээр ихийг бүтээх нь Бидний Үнэт Зүйл болно.

Нийгмийн хариуцлага:

2014 оноос нийгмийн хариуцлагын хүрээнд бид үйл ажиллагаагаа өргөжүүлэн “ХӨГЖЛИЙН БЭРХШЭЭЛТЭЙ ИРГЭДИЙН ХӨДӨЛМӨР ЭРХЛЭЛТИЙГ ДЭМЖИХ ХӨТӨЛБӨР” -ийг санаачлан хэрэгжүүлж, тэдний хөдөлмөр алдалтын шалтгаан, зэрэг, төрлөөс нь хамааруулан төрөлжсөн, тусгай ажлын байраар ханган нийгмийн хариуцлагын томоохон төсөл хэрэгжүүлж эхлээд байна.