Сүхбаатар дүүргийн Эрүүл мэндийн төв нь 1970 онд "Хүүхдийн 2-р эмнэлэг"нэртэйгээр үүсгэн байгуулагдсан, хүн амд эрүүл мэндийн 2 дахь шатлалын тусламж үйлчилгээ үзүүлдэг төрийн үйлчилгээний байгууллага. Сүхбаатар дүүргийн Эрүүл мэндийн төв нь 7 алба, 15 тасаг клиниктэйгээр Сүхбаатар дүүргийн 140,000 хүн амд 28 төрлийн эмнэлгийн болон нийгмийн эрүүл мэндийн тусламж үйлчилгээг зөвлөх поликлиник, амбулатори, сувиллын газраараа хүргэн үйлчилж байна. Тус Эрүүл мэндийн төвийн нийт 250-аад эмч, эмнэлгийн мэргэжилтний 36,1% мэргэжлийн зэрэг цолтой, 95% нь нарийн мэргэжшлээр мэргэшсэн мэргэжилтнүүд ажиллаж байна. Эрүүл мэндийн төв нь үйл ажиллагаа, тусламж үйлчилгээний үзүүлэлтийн үнэлгээгээр улсад 2 удаа, Нийслэлд 4 удаа, дүүрэгт 5 удаа шилдэг байгууллагаар шалгарч байсан, 5 удаа магадлан итгэмжлэгдсэн, "Эхэд ээлтэй", "Ахмадад ээлтэй", "Шилдэг татвар төлөгч", "Хүний төлөө медальт", "Нийслэлийн шилдэг тохижилттой байгууллага" юм.