Манай компани нь Монголын Хөрөнгийн Бирж дээр бүртгэлтэй нээлттэй хувьцаат компани бөгөөд барилгын салбарын нийт компаниудад бетон зуурмаг нийлүүлэх болон бусад дагалдах үйлчилгээг үзүүлэн 10 дэх жилдээ үйл ажиллагаагаа амжилттай явуулж байна.

Бид хэрэглэгчдийнхээ хүсэлт, шаардлагад нийцүүлэн чанар стандартыг бүрэн хангасан бүтээгдэхүүн үйлдвэрлэлийг үндсэн бодлогоо болгодог бөгөөд манай хамт олон Олон Улсын ISO 9001:2008 чанарын удирдлагын тогтолцоог үйл ажиллагаандаа нэвтрүүлэхийн сацуу үйлдвэрлэлийн цогц үйл ажиллагаа нь Олон Улсын стандартад нийцснийг АНУ-ын Үндэсний бетон зуурмагийн ассоциаци /NRMCA/-аас баталгаажуулсан компани юм. Мөн Монголдоо техникийн хүчин чадлаараа томоохонд тооцогдох үйлдвэртэй бөгөөд ашиглалтанд байгаа 2 шугамаар цагт 300м³ хүртэл зуурмаг үйлдвэрлэн мөн төдий хэмжээний бетон зуурмагийг тээвэрлэн нийлүүлэх хүчин чадалтай.

Бид өнөөдрийг хүртэл давхардсан тоогоор 570 гаруй хүнийг ажлын байраар хангаж, ажилчидын сэтгэл ханамж, эрүүл ахуй, нийгмийн асуудлалд компаний зүгээс анхаарал хандуулан ажилласаар ирсэн билээ.