Алсын хараа, эрхэм зорилгын хүрээнд олон нийтийн оролцоот, тэгш хамруулах үнэт зүйлд суурилан сургууль, цэцэрлэгийн хөгжилд хувь нэмэр оруулах, хүүхэд төвтэй, идэвхтэй арга зүйг түгээн дэлгэрүүлэх, хүүхэд залуучуудын оролцооны болон үзэл бодлоо илэрхийлэх эрхийг дэмжих, бага насны хүүхдийн хөгжилд эцэг эх, олон нийтийн оролцоог нэмэгдүүлэх, чанарын судалгаа болон үнэлгээний чиглэлээр үндэсний хэмжээнд үйл ажиллагаа явуулж байна.

Манай байгууллага нь 20 орчим жилийн хугацаанд Монгол Улсад үйл ажиллагаа явуулж буй төрийн өмчийн ерөнхий боловсролын бүх сургуульд хүрч дараах чиглэлийн хүрээнд ажиллажээ. Үүнд:

• сургуулийн өмнөх, бага, дунд боловсрол чанар, хүртээмжийг нэмэгдүүлэх,
• тэгш хамруулах, олон нийтийн бүтээлч оролцоог нэмэгдүүлэх, сургуулийн менежментийн чиглэлээр сургуулийн хөгжилд дэмжлэг үзүүлэх,
• хүүхэд төвтэй, идэвхтэй, шинэлэг арга зүйг түгээн дэлгэрүүлэх, хүүхэдтэй ажиллаж буй багш, сурган хүмүүжүүлэгчдэд сургалтын идэвхтэй болон бүтээлч сэтгэлгээний арга зүйг хүргэх,
• хүүхдийн оролцооны болон үзэл бодлоо илэрхийлэх эрхийг дэмжих хичээлээс гадуурх үйл ажиллагааг хөгжүүлэх,
• боловсролын хүртээмж, чанар, эрх тэгш байдал, эгэх хариуцлагыг бэхжүүлэхэд тулгарч буй асуудлыг чанарын судалгаагаар илрүүлэн гаргаж боловсролын салбарынхан, олон нийтэд хүргэх,
• тэгш хамруулах боловсрол, боловсролын чанар, багшийн мэргэжлийн тасралтгүй хөгжил, үр дүнтэй засаглал, баримт нотолгоонд суурилсан, оролцоот бодлогын үйл явцыг хөхиүлэн дэмжих нөлөөллийн ажил өрнүүлэх зэрэг багтана.