КОТРА нь БНСУ-ын Гадаад Худалдаа Хөрөнгө Оруулалтын Агентлаг бөгөөд, үндсэн үйл ажиллагаа нь БНСУ болон Гадаад улс хоорондын худалдааг эрчимжүүлж хоёр улсын бизнесийн байгууллагууд хамтран ажиллах, бизнесийн түншлэл байгуулах зэрэгт дэмжлэг үзүүлэхэд оршино. КОТРА нь гадаадын 86 улсад нийт 127 салбар, төлөөлөгчийн газартай бөгөөд 2013 оны 07 сард Монгол улсын нийслэл Улаанбаатар хотноо өөрийн төлөөлөгчийн газрыг албан ёсоор нээж үйл ажиллагаагаа эхлүүлээд байна. Улаанбаатар хот дахь төлөөлөгчийн газрын гол чиг үүрэг нь БНСУ-ын бизнесийн байгууллагын хүсэлтийн дагуу Монгол улсад хамтран ажиллах түнш болоод худалдан авагчтай холбож өгөх бөгөөд тус компаниуд Монгол улсад хамтран ажиллах, түншлэх, худалдан авалт хийх, гэрээт борлуулагч болох зэрэг чиглэлд сонирхож байгаа ААН, компаниудыг хооронд нь зуучлан танилцуулах юм. Манай байгууллага нь төрийн өмчит төсөвт байгууллага учир ямарваа нэг төлбөр, зуучлалын хөлс зэргийг авдаггүй бөгөөд, “КОТРА Улаанбаатар” нь Монгол улсад Солонгосын бизнес эрхлэгчдийг төлөөлж тэдний нийтлэг эрх ашиг, сонирхол, гадаад худалдаа, экспорт, импортыг хөхүүлэн дэмжиж Монгол Солонгосын гадаад худалдааны салбарыг шинэ түвшинд нээн хөгжүүлэхийг зорин ажиллаж байна.