2011 онд үүсэн байгуулагдсан Хүннү Эйр ХХК нь өнөөдрийн байдлаар ATR72-500 маягийн агаарын хөлгөөр олон улсад 5 чиглэлд, (ОХУ-ын Улаан-Үүд, БНХАУ-ын Эрээн, Манжуур, Хайлаар, Бугат), орон нутгийн 8 (Ховд, Өлгий, Улаангом, Улиастай, Мөрөн, Даланзадгад, Чойбалсан, Оюу Толгой) чиглэлд тогтмол нислэгүүдийг амжилттай үйлдэж байна.

Манай компани одоогоор Монгол Улс, Америк, Австрали, Канад, ОХУ болон Европын Холбооны улсуудад бэлтгэгдсэн нисгэгч, инженер техникийн болон бусад ажилтнуудаас бүрдсэн 240 гаруй ажилтан ажиллагсадтай.

“Төрөөс Иргэний нисэхийн салбарт баримтлах бодлогын баримт бичиг”, Засгийн газрын мөрийн хөтөлбөрт заасан олон улсын нислэгийн тоог нэмэгдүүлэх зорилтын хүрээнд Хүннү Эйр компани Монгол Улсын хувьд шинэ нислэгийн чиглэлүүд нээж, зорчигчдын хэрэгцээ, худалдан авах чадварт тулгуурласан, найдвартай, хямд үйлчилгээ үзүүлэн ажиллах зорилттой ажиллаж байна.