Манай компани 2001 онд хүнсний үйлдвэрлэл үйлчилгээний чиглэлээр байгуулагдсан бөгөөд 2006 оноос мах махан бүтээгдэхүүн үйлдвэрлэн дотоодын ресторан түргэн хоолны сүлжээ газруудад өндөр чанартай, цэвэр махан бүтээгдэхүүн нийлүүлэн ажиллаж ирлээ. Манай үйлдвэр герман болон итали улсад үйлдвэрлэгдсэн орчин үеийн өндөр хүчин чадал бүхий тоног төхөөрөмжүүдээр бүрэн тоноглогдсон ба мэргэжлийн 40 орчим хүнийг байнгын ажлын байраар ханган ажиллаж байна. 2015 онд үйлдвэрээ өргөтгөн 1600мкв үйлдвэр оффисын барилга, 2019 онд 2000мкв экспортын чиглэл бүхий шинэ үйлдвэрийн барилга барьснаас гадна орчин үеийн Bitzer фирмийн хөргөлтийн тоноглолтой хөлдөөгчүүдийг шинээр барьж байгуулаад байна. Бид олон жилийн туршлагатай герман компаниудын техник технологи, монгол малын эрүүл махаар дээд зэргийн чанартай бүтээгдэхүүн үйлдвэрлэж байгаа гэдэгтээ сэтгэл хангалуун байдаг. Бид үйл ажиллагаагаа улам сайжруулах зорилгоор " Хүнсний аюулгүй байдлын дүн шинжилгээ эгзэгтэй цэгийн хяналтын систем HACCP" -г мөрдлөг болгон ажилладаг. Манай хамт олон өөрийн орны эрүүл мах махан бүтээгдэхүүээр дэлхийн стандартад нийцсэн чанартай бүтээгдэхүүн үйлдвэрлэж дотоодын хэрэгцээг хангахаас гадна экспортод гаргах өндөр зорилт тавин ажиллаж байна.