“Дэлхийн Энхийн их наадам” ТББ нь 2011 онд байгуулагдсан нийгэмдээ үйлчилдэг байгууллага юм. Манай байгууллагын эрхэм зорилго нь боловсрол, эрүүл мэнд, шинжлэх ухаан, иргэний нийгэм, шашин, соёл урлаг спорт, бизнес, хувийн хэвшил, хөдөө аж ахуй зэрэг нийгмийн салбар бүрийн мэргэжлийн өндөр ур чадвартай, ёс зүйтэй манлайлаллыг дэмжих төрөл бүрийн хөтөлбөр хэрэгжүүлж, түүгээр дамжуулан улс эх орон, бүс нутаг болон дэлхийн энх тайван тогтвортой байдал, хөгжил цэцэглэлтийг дэмжихэд оршино.

Бид нийгэмд сайн жишиг бий болгох иргэдийн оролцоотой орон нутгийн хөгжлийн төслүүдийг санаачлан, зохион байгуулах, сэдэлжүүлэх лекц, сургалт явуулах урлаг, соёлын наадам зохион байгуулах зэргийг дэмжин эрхэм зорилгоо хэрэгжүүлдэг. Залууст зөв эрхэмлэлийн үрийг тарьж, нийгмийн төслүүдэд иргэдийн идэвхтэй санаачилга, оролцоог бий болгон дэмжих нь илүү сайн, сайхан ирээдүйг бүтээх хүчирхэг үндэс суурь болно гэдэг итгэл үнэмшилдээ бат итгэлтэй ажилладаг.

Шинэ гудамж төсөл, Эгэл амьдралын мөр ТВ-н цуврал нэвтрүүлэг, Залуу сошиал энерепенерийг дэмжих төслийн уралдаан Энхийн шагнал буюу Эзэн Монгол төслүүдийг тасралтгүй хэрэгжүүлж ирсэн.