Эрдэнэ Энх Трейд компани нь төмс хүнсний ногооны үйлдвэрлэл, худалдаа үйлчилгээ, импортын чиглэлээр 1998 оноос өнөөг хүртэл амжилттай үйл ажиллагаагаа явуулж байна. Тус компани нь аймаг орон нутаг болон хот дүүрэгт борлуулалтын өргөн сүлжээтэй ба төрийн болон дотоод, гадаадын байгууллагуудтай хамтран ажиллаж байна.

Зах зээлийн эрэлт хэрэгцээ, төр засгийн бодлоготой уялдуулан өөрийн бизнесийн уйл ажиллагаагаа тэлж, гаднаас импортоор орж ирж буй хүнсний ногооны хэмжээг жил ирэх тутам бууруулж эх орны хөрсөнд урагсан амт, чанар сайтай эрүүл баталгаатай экологийн цэвэр хүнсний ногоогоор ард түмэндээ хангах үүднээс 2005 оноос хөдөө аж ахуйн салбарт хөрөнгө оруулалт хийж Сэлэнгэ аймгийн Мандал суманд /Зүүн хараа/ компани байгуулж, эргэлтийн 1250 га -д үр тариа, төмс хүнсний ногоо тариалж байгаагаас 230га газар усалгаатай, 2,5 га-н хүлэмжийн нарийн ногооны тариалалт хийж байна.

Хүн амыг өвөл, хаврын улиралд амин дэм илчлэгээр баялаг, чанар сайтай хүнсээр хангахад нэн чухал асуудал нь хүнсний ногооны хадгалалт юм. Бид цаашид дээрх нөхцөлийг хангахаар нийт 5000н тонны багтаамжтай бүрэн автомат тоног төхөөрөмжтэй зоорийг 2012, 2019 онуудад барьж ашиглалтад орууллаа.