Бидний тухай

‘Бурханлиг гоо сайхан’ ХХК нь 2014 онд ‘Гоо’ хэмээх органик гоо сайхны үндэсний брэндийг үүсгэн байгуулсан билээ. Гоо брэнд нь Монгол орны хөрсөнд ургадаг ганга, халгай, нэрс, чацаргана, нохойн хошуу, жамц давс зэрэг түүхий эдүүдийг боловсруулан, уламжлалт анагаах ухааныг орчин үеийн техник технологитой хослуулан олон сарын судалгаа шинжилгээний үр дүнд 100% органик нүүр, үс, бие арчилгааны бүтээгдэхүүнийг дэлхийн стандартад нийцүүлэн эх орондоо үйлдвэрлэж байна.

Бид бүтээгдэхүүнийхээ орц найрлагад олон төрлийн химийн бодис, хугацаа уртасгагч, хиймэл үнэр оруулагч, силкон зэргийг агуулдаггүй бөгөөд өдөр бүр шинээр үйлдвэрлэсэн цоо шинэ органик бүтээгдэхүүнээ хэрэглэгчдэд түгээхийг зорин ажиллаж байна. Энэ ч утгаараа Монголдоо анхлан үндэсний тодотголтой органик гоо сайхны сүлжээ дэлгүүрийн эхлэлийг тавьж өдгөө Улаанбаатар хотод өөрсдийн нэрийн есөн дэлгүүр, борлуулалтын 50 гаруй суваг, хөдөө орон нутагт борлуулалтын 60 гаруй сувагтайгаар бүтээгдэхүүнээ үйлдвэрээс нь шууд нийлүүлсээр байна.

Гоо брэнд нь : 2014 он - 2022 он Монголдоо хамгийн их буюу нийт 100 гаруй нэр төрлийн гоо сайхны бүтээгдэхүүнийг үйлдвэрлэж,

2015 он - 2022 он АНУ, БНХАУ, ОХУ- ын улсуудад бүтээгдэхүүнээ экспортлож,

2022 онд Европын холбооны улсуудад бүтээгдэхүүнээ албан ёсоор экспортлох эрхээ авсан.

2023 онд АНУ болон Мексик, Кананадад албан ёсоор экспортлож байна.