“ЧУГУ” ХХК нь 1996 онд 1 /эзэмшигч/ гишүүнчлэл, дуу бичлэг, хөгжмийн студи, шоу бизнесийн үндсэн эрхлэх үйл ажиллагааны чиглэлтэйгээр байгуулагдсан бөгөөд 2001 онд “VIBE-105.5” ФМ радиог үүсгэн байгуулж, ХХЗХ-ноос хэт богино долгионы аналоги радио өргөн нэвтрүүлгийн станц ашиглаж, арилжааны радиогийн үйлчилгээ эрхлэх, радио давтамж, радио давтамжийн зурвас ашиглах тусгай зөвшөөрлийг авч, харилцаа холбоо, радио өргөн нэвтрүүлгийн салбарын холбогдох хууль, журмыг баримтлан ажиллаж байна.

Өнөөг хүртэлх хугацаанд ФМ радиогийн үйл ажиллагааг дагнан тасралтгүй явуулж, Монголын урлагийн ертөнцийн хөгжилд үнэтэй хувь нэмэр оруулан үргэлж тэргүүн эгнээнд нь алхахыг зорьж ирлээ. Радиогийн өргөн нэвтрүүлгийн үйл ажиллагаа эрхлээд 22 жилийг өнгөрүүлэхдээ, дэлхийн шоу бизнес, урлагийн салбартай хөл нийлүүлэн алхаж, тэдэнтэй өрсөлдөхүйц Монгол контентыг үйлдвэрлэхийг эрхэм зорилгоо болгож байна.

ФМ радиогийн үйл ажиллагаа явуулах чиглэлд, 2-10 жил мэргэжлээрээ ажилласан радиогийн хөтлөгч, сэтгүүлч, холбооны инженер техникийн мэргэжилтэн зэрэг үндсэн 5 ажилтантай бөгөөд мэдээлэл-харилцаа, зар сурталчилгаа, сэтгүүлзүй болон техникийн ажилтнаар бүрэн хангагдсан.