“Жигүүр гранд групп” ХХК-ийн барьж ашиглалтанд оруулсан орон сууцны болон үйлдвэрлэл, үйлчилгээ, оффисын зориулалт бүхий томоохон цогцолборуудын инженерийн шугам сүлжээний засвар, ашиглалт үйлчилгээг Эко хотхон нэртэйгээр 2011 оноос үйл ажиллагаагаа явуулж ирсэн бөгөөд 2018 оноос үйл ажиллагаагаа өргөжүүлэн тус группийн охин компани болон ажиллаж байна.

“Биг кастел” ХХК нь Хот суурины ус хангамж, ариутгах татуургын ашиглалтын тухай болон Эрчим хүчний тухай хуулийн хүрээнд тусгай зөвшөөрөлтэйгээр орон сууцны инженерийн шугам сүлжээний ашиглалт засвар үйлчилгээг эрхэлж байна.

Мөн салбарын үйл ажиллагааны чиглэлийн мэргэжлийн холбоо болох ОСНАА-Мэргэжлийн холбоо” ТББ-д элсэн холбогдох сургалт, зөвөлгөө, уулзалтанд оролцож, төрийн байгууллагад өөрсдийн дуу хоолойгоо хүргэж, ажилладаг.

Тус компани нь Хан-Уул дүүрэгт Гэгээнтэн цогцолбор хотхон, Romana residence, Luxury Zaisan Village, Zaisan Village, Хунгийн хотхон, Парк Вью хотхоны нийт 1500 гаруй айл өрх, 60 гаруй ААН байгууллагуудыг ус, дулаан, цахилгаанаар хангаж, 24 цагийн турш мэргэжлийн чадварлаг инженер техникийн ажилтан, ажиллагсадын хүчээр засвар үйлчилгээг үзүүлдэг.

Манай компани нь дээрх 6 хотхоны ерөнхий 6 узель, гүний 6 худаг, бохир усны ерөнхий болон гаргалгааны 61 худаг, мөн дулааны болон цэвэр бохир усны гадна, дотор шугам сүлжээнийг хариуцан жил бүр их болон урсгал засвар хийж, зуны төлөвлөгөөт их засвар, өвлийн бэлтгэл ажлыг ханган ажиллаж байна.