Тус газрын үндэс суурь нь 2015 онд “Нийтлэг үйлчилгээний нэгдсэн авто бааз” ОНӨААТҮГ нэртэйгээр байгуулагдсан бөгөөд Нийслэлийн Баянзүрх дүүргийн Иргэдийн төлөөлөгчдийн хурлын тэргүүлэгчдийн 2021 оны 12 дугаар сарын 13-ны өдрийн А/40 дүгээр тогтоолоор “Баянзүрх Эко тохижилт, үйлчилгээ” ОНӨААТҮГ болж өөрчлөгдөн үйл ажиллагаагаа явуулж байна.

Баянзүрх дүүргийн нутаг дэвсгэр дээрх нийтийн эзэмшилд явган хүний зам, нийтийн эзэмшлийн хайс, хашлагыг шинээр байгуулах, шинэчлэн засварлах, арчлалт, хамгаалалтыг хийх, автобусны буудлын засвар, цэвэрлэгээ үйлчилгээ, хүүхдийн тоглоомын талбай, хөшөө дурсгал, усан оргилуурын арчлалт хамгаалалт, нийтийн эзэмшлийн гудамж, зам талбайн цэвэрлэгээ, дүүргийн нутаг дэвсгэрийн хөрсний бохирдлыг бууруулах, ногоон байгууламжид тарих навчит мод, шилмүүст мод, бут сөөгний суулгацын үржүүлэг зэрэг ногоон байгууламжийг нэмэгдүүлэх, түүний тохижилтын ажлыг хийж гүйцэтгэх, Дүүргийн нийтлэг үйлчилгээний газруудын хог тээвэрлэлт болон бусад үйлчилгээнд үйлчлэх техник хэрэгслийг дулаан гражаар хангах үндсэн чиг үүрэгтэй.

Таныг эх орныхоо Нийслэл хотын хөгжил, соёлжилт, тохижилтын төлөө нийгмийн хариуцлагаа бүрэн ухамсарлаж, хууль тогтоомж, хөдөлмөрийн гэрээгээр хүлээсэн үүргээ нэр төртэй биелүүлэн, байгууллагын үндсэн зорилт, зорилгыг хэрэгжүүлэхэд бидэнтэй хамтран тогтвор суурьшилтай ажиллана гэдэгт итгэл дүүрэн байна.

“Баянзүрх Эко тохижилт үйлчилгээ” ОНӨААТҮГ-ын УРИА, ЭРХЭМ ЗОРИЛГО, АЛСЫН ХАРАА, ҮНЭТ ЗҮЙЛСИЙГэрхэмлэн хүндэтгэгч ажилтан бүрийн өдөр тутмын ажилдаа мөрдлөг болгох удирдамжийн баримт бичгий багтаасан гарын авлагаа өргөн барьж буйдаа баяртай байна