“АРГУН ГРУПП” ХХК нь олон улсын судалгаа туршлагад үндэслэн эх орныхоо боловсролын чанарыг сайжруулахад бодитой хувь нэмэр оруулах үүднээс байгалийн шинжлэх ухааны багц сургалтын хэрэглэгдэхүүнийг, AR&MR технологиор баяжуулан Ерөнхий боловсролын сургуулиудад нийлүүлж байна. Үүнд сурагчдын ойлгоход хамгийн төвөгтэй хичээлүүд болох Хими, Физик, Нарны аймаг, Биологи, Газар зүй, Хүний биеийн бүтэц хэмээх 6 хичээл багтсан. AR&MR технологиор баяжуулсан сургалтын хэрэглэгдэхүүн нь таблет, 6 аппликейшн, хичээлийн ерөнхий агуулгыг багтаасан ханын самбар, хичээлийн агуулгыг дэлгэрэнгүй тайлбарласан туршилт бүхий 10 төрлийн тараах материалуудаас бүрдэнэ. Ханын самбар цэсийг сонгон самбар руу камераа чиглүүлэхэд сонгосон хичээлийн голлох эрдэмтэд 3 хэмжээст дүрслэлээр гарч ирэн өөрсдийгөө танилцуулж, нээлтүүдээ тайлбарлаж өгнө.Тараах материал цэсийг сонгосноор сурагчдын сонирхлыг татах туршилтуудыг 3 хэмжээст дүрслэлээр тайлбарлаж үзүүлнэ.MR туршилт цэсээр дамжуулан сурагчид саран дээр зочилж, шүрэн арлаар аялах зэрэг бүтээлч туршилтуудыг хийх бол, AR туршилт цэсээр анги танхимд бодитоор харуулах боломжгүй зүйлсийг дэргэд нь байгаа мэт харж, томруулж, жижигрүүлэн үзэх боломжтой. AR технологиор дамжуулан мэдлэг олж авах нь сурагчдад олон төрлийн мэдрэмжийг төрүүлж сургалтын чанарыг 4 дахин нэмэгдүүлдэг болох нь судалгаагаар батлагдсан.“AR&MR” технологиор баяжуулсан сургалтын хэрэглэгдэхүүний давуу талууд:• Нэг дүрсэд олон агуулгыг багтааж мэдлэг олгон, чадваржуулах болно. • Интернэтгүй орчинд ажиллах боломжтой.• Сурагчид тухайн хичээл дээр зөвхөн уншиж, сонсох төдийхнөөр хязгаарлагдахгүй харж, туршиж, ажиглах боломж бүрдэнэ. • Сурагчдад хичээлийг бие даан судлах хүсэл тэмүүллийг бий болгоно. • Сурагч бүр хичээлдээ дур сонирхолтой болж, идэвх оролцоотой болно. • Сурагчид технологийн шилдэг ололтын үр дүнг шууд хүртэж, мэдлэг нь батжина. • Багшийн заах арга зүй, мэдлэгийн түвшин нэмэгдэнэ. • Багш ухаалаг төхөөрөмж, дэвшилтэт технологид суралцана. • Байнгын хөгжүүлэлт хийгдэх боломжтой тул тухайн сургууль хичээлийн хэрэглэгдэхүүний зардлаа хэмнэнэ.• Хор нөлөөтэй, овор хэмжээтэй ямар ч том зүйлийг танхимд бодит дүрсээр нь оруулж ирж харуулах, орон зайн хувьд хязгаарлагдмал зүйлийг ширээн дээр нь ойртуулж харуулна."Амжилттай сайн суралцах гол түлхүүр бол хийж байгаа зүйлдээ дурлах юм" Өөрсдийн буй орон зайг шинээр төсөөлцгөөе.