"Асах гэрэл баясал" нь аутизмтай болон бусад шалтгаант хөгжлийн хоцрогдолтой хүүхдүүдийг хөгжүүлэх зорилготой тусгай боловсрлын төв юм. Мөн төрийн бус байгууллагынхаа ажлын үүргийн хүрээнд аутизмтай хүүхдүүдийн эрх ашгийг хамгаалах чиглэлээр үйл ажиллагаа явуулдаг. Бид Монголд анх удаа аутизмтай хүүхдүүдийг сургаж, хөгжүүлдэг гадны туршлагыг цогцоор нь нэвтрүүлэх зорилгоор Монгол Туркийн хамтарсан олон улсын сургалтынтөвийг нээгээд байгаа бөгөөд сургалтын үйл ажиллагаагаа 2023 оны 1 дүгээр сараас үйл ажиллагаагаа явуулж эхлээд байна. ABA сургалтын системийг сургалтандаа голлон нэвтрүүлж хүүхдийн хөгжлийн хоцрогдлыг сургуулийн өмнөх насанд нь багасгах, зохисгүй зан авир дээр нь дүн шинжилгээ хийж багасгах, хүүхдүүдийг хөгжүүлэх, нийгэмшүүлэх, үр дүн гаргах зорилго тавин ажиллаж байна. Мөн салбарын боловсон хүчнийг чадавхижуулах, аутизмтай хүүхэдтэй эцэг эхчүүдэд хүүхэдтэйгээ ажиллах арга барилыг эзэмшүүлэх зорилготой.