“Агапе Христийн Эмнэлэг” нь 2014 онд байгуулагдан нийт 6 чиглэлийн /Мэс засал, Дүрс оношилогоо, Эмэгтэйчүүд, Гемодиализ, Дотор, Хөнгөвчлөх тусламж үйлчилгээ/ эрүүл мэндийн тусламж үйлчилгээг ашгийн бус зорилгоор Монгол улсын хэмжээнд үйл ажиллагаа явуулж ирсэн. Тус эмнэлэгт БНСУ болон Монгол улсын мэргэшсэн эмч, мэргэжилтнүүдийн хамтарсан баг ажилладаг. Мөн нийгэмд орхигдсон, эрүүл мэндийн тусламж үйлчилгээ авч чадахгүй байгаа иргэд, өвчин эмгэг нь хүндэрсэн орон гэргүй иргэдийг сайн дурын нарийн мэргэжлийн эмч, сувилагч нартай хамтран үнэ төлбөргүй үзлэг, эмчилгээ, мэс засал, зөвлөгөөнд хамруулдаг. 2015 оноос эрүүл мэндийн тусламж үйлчилгээний хүртээмж бага байдаг алслагдсан дүүрэг, аймаг, сумдын иргэдэд нийт 11 чиглэлээр нарийн мэргэжлийн үзлэг, оношилгоо, эмчилгээ, мэс заслыг үнэ төлбөргүй хийж эхэлсэн. 2020 оноос явуулын эмнэлэгийн бүрэн тоноглогдсон автобусаар үйлчилж эхэлсэн бөгөөд одоогоор 11 аймгийн 20 сумдаар очиж 100 гаруй мэс засал, 10200 гаруй үзлэг эмчилгээ хийгээд байна. 2022 ондоо Мааньт дах хорих анги болон Тахир Соетод буй хорих ангуудад 500 орчим хүнд үнэ төлбөргүй тусламжийг үзүүлж байна.

.