Эзэн Чингис хааны удам өршөөлт Өгөдэй хааны ач хөвүүн Хашины Хайду юм. Чингис хааны зарлигийг хуульчлан дагаж, Монгол орноо Монголоор нь авч үлдэх гэсэн түүний нэгэн насны тэмцлийг хойч үеийн бид мартах учиргүй. Мөн эцгийнхээ баруун гар болон тэмцэж явсан эрэмгий бөх, дайёин бөх гүнж хэмээн алдаршсан Хотолан Чаха ( Хотол цагаан ) хэмээх үзэсгэлэнт охины дуулиант амьдрал ард түмний дунд олон зууны турш домог болон яригдсаар иржээ. Алдуурсан унага шиг хульжин одсон он жилүүдийн тоосон дундаас тодрон үзэгдэх агуу хаан эцэг, үзэсгэлэнт гүнж хоёрын үнэн түүхийг өгүүлсэн бүтээлийг мэргэн оюунт сонсогч та бүхэнд хүргэж байна.